Recipe for Kadai chiken| recipe in Malayalam by food by hunter

 സ്‌പെഷ്യല്‍ കടായ്‌ ചിക്കന്‍

************************************

Recipe for Kadai chiken| recipe in Malayalam by food by hunter


ചേരുവകൾ 

  1.  ചിക്കന്‍ - 1കിലോഗ്രാം (എല്ലില്ലാത്ത ചെറിയ കഷണങ്ങള്‍)
  2.  ക്യാപ്സിക്കം  -രണ്ടെണ്ണം (ചെറുതായി മുറിച്ചത്)
  3. സവോള-നാലെണ്ണം
  4. തക്കാളി - 2 എണ്ണം ചെറുതായി അരിഞ്ഞത്
  5.  പച്ചമുളക് ‌- 8 എണ്ണം
  6.  തേങ്ങാപ്പാല്‍- ഒന്നാം പാലും രണ്ടാം പാലും രണ്ടുകപ്പുവീതം
  7. മസാലപ്പൊടി- 1 tspn (ഏലയ്‌ക്ക, കറുവപ്പട്ട, ഗ്രാമ്പൂ എന്നിവ പൊടിച്ചത്‌ )
  8. മുളകുപൊടി - 1 tspn
  9. മഞ്ഞള്‍പ്പൊടി- ½ tspn
  10. മല്ലിപ്പൊടി- 2 tspn
  11.  ഉപ്പ്‌ -പാകത്തിന്‌
  12. പാചകയെണ്ണ- ആവശ്യത്തിന്‌
  13. കറിവേപ്പില- 2 തണ്ട്
  14.  മല്ലിയില - ആവശ്യത്തിന് 


തയ്യാറാക്കുന്ന വിധം 

കടായ്‌ ചട്ടിയില്‍ അല്ലെങ്കില്‍ ചുവടു നല്ല കട്ടിയുള്ള ഏതെങ്കിലും അടി കുഴിഞ്ഞ പാത്രത്തില്‍ എണ്ണയൊഴിയ്‌ക്കുക. നന്നായി ചൂടായശേഷം ക്യാപ്സിക്കം, സവാള പച്ചമുളക്, തക്കാളി എന്നി ചേരുവകള്‍ ഇട്ട്‌ വഴറ്റുക. ഇത്‌ നന്നായി വഴറ്റിയതിനു ശേഷം ഇതിലേക്ക് മസാല പൊടി, മഞ്ഞൾപൊടി,മുളകുപൊടി, മല്ലിപ്പൊടി എന്നി ചേരുവകള്‍ അതിലേക്ക്‌ ഇട്ട്‌ ചിക്കനും ചേര്‍ത്ത്‌ നന്നായി യോജിപ്പിക്കുക. മസാലകള്‍ നന്നായി മൂത്തുകഴിഞ്ഞ്‌ തേങ്ങയുടെ രണ്ടാപാല്‍ ഇതിലേക്ക്‌ ഒഴിയ്‌ക്കുക. പാകത്തിന്‌ ഉപ്പും ചേര്‍ക്കുക. ചിക്കന്‍ കഷണങ്ങള്‍ നന്നായി വെന്ത്‌ ചാറ്‌ കുറുകി വരുമ്പോള്‍ തേങ്ങയുടെ ഒന്നാം പാലും കറിവേപ്പിലയും മല്ലിയില അരിഞ്ഞതും ചേര്‍ത്ത്‌ ഇറക്കിവയ്‌ക്കുക. സാധാരണ കടായ്‌ ചട്ടിയിലാണ്‌ കാടായ്‌ ചിക്കന്‍ തയ്യാറാക്കുന്നത്‌. അതുകൊണ്ടുതന്നെയാണ്‌ ഇതിന്‌ കടായ്‌ ചിക്കന്‍ എന്നു പേരു വന്നത്‌. കടായ്‌ ചട്ടിയില്ലെങ്കില്‍ ചുവടുകട്ടിയുള്ള ഏതെങ്കിലും തരം പാത്രം ഉപയോഗിച്ചാല്‍ മതിയാകും. തേങ്ങാപ്പാല്‍ ചേര്‍ക്കാതെ പകരം ആവശ്യത്തിന്‌ വെള്ളം ചേര്‍ത്തും കടായ്‌ ചിക്കന്‍ തയ്യാറാക്കാം. രുചി വ്യത്യാസം വരുത്താന്‍ ഇഞ്ചിയും വെളുത്തുള്ളിയും ചേര്‍ത്തും കാടായ്‌ ചിക്കന്‍ തയ്യാറാക്കാം പത്തിരി, ചപ്പാത്തി, അപ്പം, എന്നിവയ്‌ക്കൊപ്പവും ചോറിനൊപ്പവും കടായ്‌ ചിക്കന്‍ കറി ഉപയോഗിക്കാം...